Qostanaıda zeınetker «AKM» avtomatyn polıtsııaǵa tapsyrdy

<p>ASTANA. KAZINFORM &ndash; El halqy zańsyz saqtalǵan qarýdy polıtsııaǵa tapsyryp jatyr. Bul týraly Іshki ister mınıstrliginiń resmı ókili Shyńǵys Alekeshev aıtty.</p>

«Qazir el aýmaǵynda halyqtan zańsyz saqtalǵan qarý men oq-dárilerdi satyp alý aktsııasy ótip jatyr. Onyń maqsaty – atys qarýmen jasalatyn qylmys pen quqyq buzý derekterin aldyn alý. Aktsııa bastalǵaly beri ishki ister organdaryna azamattar óz erkimen 422 atys qarýyn tapsyrdy. Máselen, Qostanaı qalasynda 70 jastaǵy er adam polıtsııaǵa eshqaıda tirkelmegen «AKM» markaly avtomat (Kalashnıkov avtomaty) pen 78 oq-dárini ákep tapsyrdy. Turǵyn qarýdy Tobyl ózenine jaqyn mańda sómkeniń ishinen tapqan eken. Qazirgi kezde bul aktsııa jalǵasyp jatyr», - dedi Sh. Alekeshev vedomstvoda ótken aptalyq brıfıngide.

Onyń aıtýynsha, barlyq tapsyrylǵan qarý krımınalıstıkalyq saraptamadan ótedi.

Budan buryn habarlanǵandaı, jyl basynan beri tártip saqshylary ekologııalyq zańnamany buzýdyń 7 myńnan astam faktisin anyqtady. 200-ge jýyq qylmystyq is qozǵaldy