Qostanaıda zamanaýı et kombınatynyń qurylysy bastaldy
Qostanaı qalasynda ınvestorlar úshin barlyq jaǵdaı jasalǵan. Sonyń arqasynda óńir ekonomıkasy ilgerilep, óndiris kólemi artyp keledi. 2019 jyly qalada 10,2 mlrd teńgege 4 iri ınvestıtsııalyq joba iske asyryldy. Qýaty jylyna 500 traktorǵa deıin shyǵarylatyn «Kırovets» traktorlaryn óndiretin zaýyt paıdalanýǵa berildi. Jobaǵa 1,7 mlrd teńge quıyldy. «Salamat» seriktestigi táýligine 1000 tonna óndiretin dıirmen keshenin jáne syıymdylyǵy 30 myń tonna astyq saqtaý qoımasyn paıdalanýǵa berdi.
«Indýstrııalandyrý kartasynan tys jumys istep turǵan óndiristerdi keńeıtý boıynsha 3,8 mlrd teńgege 2 joba iske asyryldy. «Baıan-Sulý» aktsıonerlik qoǵamy kondıterlik qant ónimderin óndirý úshin jabdyqtar satyp aldy, jobanyń quny 3,3 mlrd teńgeden asyp, 23 jumys orny quryldy. Qarajat Qazaqstannyń Damý Banki jáne Dúnıejúzilik banktiń halyqaralyq qarjy korporatsııasy esebinen júzege asyrylady. «Astyq» elevator jabdyǵynyń zaýyty» JShS syıymdylyǵy 150-den 3000 tonnaǵa deıin astyq saqtaý qoımalaryn óndirý jumysyn bastady», - dedi Qaırat Ahmetov baıandamasynda.
Osy jyly quny 110 mlrd teńge bolatyn 5 ınvestıtsııalyq joba júzege asady. Solardyń biri – «BEEF EXPORT GROUP» JShS kompanııasynyń zamanaýı et kombınaty kesheni. Qazir qurylys jumystary bastaldy. Bul kásiporyn jylyna 110 myń bas iri qara maly jáne 132 myń bas usaq maldyń etin óndeýge qaýqarly. Jobanyń jalpy quny – 5,3 mlrd teńge.
Qaırat Ahmetov aıtqandaı, jyl qorytyndysy boıynsha júrgizilgen jumystyń nátıjesinde negizgi kapıtalǵa salynǵan ınvestıtsııalardyń jalpy kólemi 84,4 mlrd teńgeni qurady, bul ótken jyldyń deńgeıine qaraǵanda 5%-ǵa artyq.