Qostanaıda úsh jasar qyz terezeden qulap ketti

QOSTANAI. QazAqparat - Qostanaıda 3 jasar qyz úshinshi qabattyń terezesinen qulap tústi, dep habarlaıdy QazAqparat oblystyq TJD baspasóz qyzmetine silteme jasap.

22 tamyz kúni saǵat 13:30-da 9 shaǵynaýdanda 5 qabatty turǵyn úıdiń úshinshi qabatyndaǵy páterdiń terezesinen 2019 jyly týǵan qyz bala qulap tústi.

Oqys oqıǵa bala eresekterdiń qaraýynsyz jalǵyz qalǵan kezde bolǵan.

Zardap shekken búldirshin qalalyq balalar aýrýhanasyna jatqyzyldy.

Dárigerler oǵan mıdyń shaıqalýy, qabaqtyń ashyq jarasy, ishtiń syrtqy jaraqaty degen dıagnoz qoıdy. Jaǵdaıy birqalypty.

Aıta ketý kerek, bıyl Qostanaıda jeti bala, al oblys boıynsha 13 sábı osylaı terezeden qulap ketti.