Qostanaıda úsh kún buryn boranda joǵalyp ketken malshy aman tabyldy

<p>QOSTANAI. KAZINFORM - Qostanaı qutqarýshylary men polıtseıler aıazda joǵalyp ketken malshyny tapty. Ony bári jabylyp úsh kún izdegen edi.</p>

13 qańtarda Arqalyqta qarly boranda jergilikti malshylardyń jylqylary joǵalǵan. 

Malshylar kólikpen izdeýge shyǵyp, olardy Aqmola oblysynan tapty.

Kólik qarda turyp qalady. Malshylardyń bireýi jylqyny kúzetýge qalyp, sol kúıi iz-túzsiz ketti.

Úsh kún ishinde aıazdy aýa raıyna qaramastan 50 adamnan turatyn top izdeý jumysyn toqtatqan joq.

Foto: Qostanaı oblysy TJD

Qutqarýshylar, polıtseıler, jergilikti atqarýshy organdar, eriktiler jáne janashyr jergilikti turǵyndar joǵalǵan adamdy izdedi.

Qolaısyz aýa raıy tikushaqpen izdeýge kedergi keltirdi. Sondyqtan er adamdy jaıaý jáne kvadrokopterdiń kómegimen izdedi.

16 qańtarda Astana qalasynan joǵalǵan adamdy izdeý úshin tikushaq keldi.

Aýmaqty barynsha qamtý úshin búkil resýrstar, sonyń ishinde tikushaq, jol talǵamaıtyn jáne qarda júretin kólikter tartyldy.

Joǵalǵan malshyny Vostochnoe aýylynyń mańynan polıtsııa qyzmetkeri tapty. 

Malshyny úsik shalǵan. Ol dereý Arqalyq qalasynyń aýrýhanasyna jetkizildi.