Qostanaıda turǵynnan 6 mln teńge bopsalaǵan kúdiktiler qolǵa tústi

QOSTANAI. QazAqparat - Qostanaıda turǵynnan 6 mln teńge kóleminde aqsha talap etken 18 ben 20 jas aralyǵyndaǵy bopsalaýshylar qolǵa tústi, dep habarlaıdy QazAqparat Polisia.kz-ke silteme jasap.

Bopsalaýshylar 21 jastaǵy jergilikti turǵynǵa qatysty eleýsiz syltaýdy paıdalana otyryp, odan 6 mln teńge kóleminde aqsha qarajatyn talap etken.

«Kúdiktiler jábirlenýshini jaldamaly páterde ustady, sondaı-aq ony qala syrtyna shyǵaryp, uryp-soǵyp, densaýlyǵyna qaýip tóndirdi», – dedi Qostanaı oblysy PD UQQKB bastyǵy Serik Baıǵonov.

Zańsyz áreketter barysynda bopsalaýshylar 1 mln teńge somasynda aqshalaı qarajatty ıemdenip alǵan. Degenmen jábirlenýshige qatysty jeńil paıda tabý áreketteri munymen aıaqtalǵan joq jáne olar odan aqsha talap etýdi jalǵastyrdy. Jábirlenýshi polıtsııaǵa aryz berdi.

Jedel-izdestirý is-sharalary barysynda kúdiktiler anyqtalyp, ustaldy. Atalǵan fakti boıynsha QR QK-niń 194-baby, 3-bóligi jáne 126-baby, 2-bóligi boıynsha sotqa deıingi tergeý júrgizilip jatyr. Qazirgi ýaqytta toptyń eki múshesi qamaýǵa alyndy, úshinshisi úı qamaýynda.