Qostanaıda temir átkenshek qırap, 8 jastaǵy qyz bala jaraqat aldy

QOSTANAI. QazAqparat – Qostanaıda temir átkenshek qırap, 8 jastaǵy qyz bala jaraqat aldy. Osy oqıǵa boıynsha polıtsııa sotaldy tergeýdi bastady, dep habarlaıdy QazAqparat Qostanaı oblysy polıtsııa departamenti tergeý basqarmasynyń bastyǵy Safýan Jampeıisovke silteme jasap.

8 jasar qyz átkenshek teppek bolǵanda ol qırap, qyzdyń basyna temir tıgen. Qostanaı oblysy turǵyny qyzym jaraqat aldy dep polıtsııaǵa aryzdandy.

«Osyǵan qatysty Qostanaı oblysynyń polıtsııa departamenti sotaldy tergeýdi bastady. Tergeý amaldary Qylmystyq kodekstiń 306-baby «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetýge» sáıkes júrgizilip jatyr», - dep málimdedi S. Jampeıisov.

Tergeý barysynda kináliler anyqtalyp, kemshilikti joıý usynylady.