Qostanaıda sý tasqynyna qalaı daıyndalýda
«Qazgıdromet» RMK oblystyq fılıalynyń málimeti boıynsha, Qostanaıda ortasha aılyq aýa temperatýrasy naýryzda – 4-7 S kútiledi, bul normadan 1-2° joǵary, qardaǵy sý qory – 61 mm (norma-52 mm), topyraqtyń kúzgi ylǵaldanýy – 80 mm 112 norma kezinde, topyraqtyń qatý bıiktigi – 1 450 mm, qar qory – 67 mm (norma-56 mm) quraıdy.
«Qostanaı aýmaǵynda ótken jyldardyń tájirıbesi boıynsha Drýjba, Qostanaı-2, Aeroport jáne Kolesnye Rıady aýdandarynyń, ıÝbıleınyı yqshamaýdanynyń, Sadovod jekelegen ýchaskeleri men Hımık, Darhan jáne Tekstılşık- 1 kóshelerin, «Gagarın kópiri» ótkelin sý basý qaýpi bar. Qonaı kentindegi jańa turǵyn úı keshenderiniń qurylysyna da kóp mólsherdegi erigen qar sýynan qaýip tónýi múmkin«, - dep habarlady vedomstvo.
14 aqpan men 21 aqpan aralyǵynda sý tasqyny kezeńinen qaýipsiz ótý úshin Qostanaı qalalyq tótenshe jaǵdaılar bóliminiń qyzmetkerleri oblys ortalyǵynyń aýmaǵynda ornalasqan gıdrotehnıkalyq qurylystardy aınalyp ótti.
«Qaladan erigen sýdy shyǵarýdyń negizgi ýchaskeleri (Nagornaıa aryǵy, Ońtústik aınalma arna, Ońtústik-batys aınalma arnasy, Drýjba aýylynyń arnasy) qardan tazartýdy qajet etetini anyqtaldy. Bul jumystar naýryz aıynyń ekinshi onkúndigine josparlanǵan», - dep túsindirdi TJD.
Vedomstvonyń baspasóz qyzmetinen habarlaǵandaı, búgingi kúni oblys ortalyǵynda sý tasqyny jaǵdaıy nasharlaǵan jaǵdaıda 6200 qap qum, 1600 m3 qıyrshyq tas, 5 tonna janar-jaǵarmaı kólemine qosalqy ınertti materıaldar jasaqtaldy. Sondaı-aq, qala merdigerleri nóser kárizderin tazalaý jáne qala aýmaǵyn qardan shyǵarý jumystaryn júrgizdi. Sondaı-aq qutqarýshylar 567 turǵyn úı aýlasyn aralap, 1134 adamǵa nusqaý berdi.