Qostanaıda sport mektebiniń basseınindegi «qyshqyl» sýǵa qatysty túsinik berildi
Sport mektebi basseınindegi sýdyń jaı-kúıine qatysty máseleni shuǵyl túrde sheship jatyr, belgili bolǵandaı, sýǵa reagentterdiń jetkizilýin anyqtaıtyn kompıýterdiń isten shyǵýyna baılanysty ol standarttarǵa sáıkes kelmeıdi. Sýdyń qyshqyldyǵy joǵary. Jaǵdaıdy Q.Ospanov atyndaǵy № 1 BJSM basshysynyń oqý-tárbıe jumysy jónindegi orynbasary Natalıa Sýhacheva túsindirdi
«Basseın jańa, 2022 jyly ǵana ashylǵanyn bilesizder. Sýdy tazartýdyń barlyq tehnologııasy kúrdeli, barlyǵy kompıýterlengen. Bizdiń qyzmetkerler nysandy berý kezinde osy júıede qalaı jumys isteý kerektigin úırengen bolatyn. Biraq bul bilim jetkiliksiz bolyp shyqty. Bizde kúndelikti rN jáne hlor deńgeıin ólsheıtin zerthanashy bar. 2 qarashada ol sýdyń qyshqyldanǵanyn habarlady. Sol kúni SES zerthanasyna taldamalar ótkizilip, 3 qarashada balalarǵa arnalǵan haýyz jabyldy», - dedi N. Sýhacheva.
Zerthanadan alynǵan nátıjeler, kerisinshe, sýdaǵy hlor kórsetkishiniń joǵarylaǵanyn kórsetti. Taǵy bir synama alý jáne ony táýelsiz zerthanaǵa jiberý týraly sheshim qabyldandy. Onda hlor qalypty bolǵan kezde, sýdyń qyshqyldyǵy joǵary degen nusqa rastaldy.
«Memlekettik satyp alý josparyna ózgerister engizý týraly sheshim qabyldandy. Bizge basseınge qyzmet kórsetetin jáne sýdy tazartýdyń barlyq protsesin jasaıtyn uıym qajet boldy. Sondaı-aq, bizde rN deńgeıin arttyratyn hımııalyq zat joq. Ózderińiz biletindeı, bizde oblysta sý siltili, ıaǵnı deńgeıin únemi tómendetip otyrý kerek. Kompıýterde aqaý bolýy múmkin jáne reagenttiń úlken dozasy joǵalyp ketti. Sondyqtan ol qazir bizde joq. 11 qarasha kúni bizde lot oınatylyp, basseındegi sýdy tazartýmen, kompıýterlengen júıeni jasaqtaýmen aınalysatyn kompanııa tańdalady», - dep túsindirdi N. Sýhacheva.
Aıta keteıik, sport mektebi Qostanaıǵa sarapshylardy taýyp, shaqyrdy. Olar 9 qarashada kelip, kompıýterlendirilgen júıeni dıagnostıkalaý jáne aqaýdy anyqtaý boıynsha qyzmet kórsetedi.
Lotty oınatylǵannan keıin osy máselelerdi júıeli túrde sheshetin kompanııa anyqtalady. Basseındegi sýdy tazartý jáne kompıýterlengen júıeniń jumysy týraly barlyq máselelerge solar jaýap beredi.