Qostanaıda sottalǵan azamat tik ishegine «gashısh» salyp tergeý ızolıatoryna kirgen

QOSTANAI.QazAqparat — Qostanaı oblysynda tik ishegine «gashısh» salyp, tergeý ızolıatoryna kirmek bolǵan sottalýshy ustaldy, dep habarlaıdy QazAqparat Qylmystyq atqarý júıesi oblystyq departamentine silteme jasap.

«Departament qyzmetkerleri sottalǵan adamdy ýaqytsha ustaý ızolıatoryna ákelgen. Rentgennen ótý kezinde sottalǵan azamattyń denesiniń tómengi bóliginde kúdikti zat baıqalyp, ony tolyq tekserý týraly sheshim qabyldandy. Tekserýden keıin ol tik ishegine salmaǵy 4 gramm bolatyn gashısh túıinshegin salyp alǵany anyqtaldy»,— deıdi dep atap ótti Qostanaı oblysy boıynsha QAJ departamentiniń bastyǵy Abaı Qaıyrbekov.

Sottalǵan azamat esirtkini mekeme aýmaǵyna kirgizgisi kelgenin birden moıyndady. Alaıda, tergeý ızolıatorynda oǵan tyıym salynǵan zattardyń bar-joǵy týraly suraq qoıylǵan.

Qazir atalǵan fakti boıynsha alǵashqy materıal jınalyp, ereje buzýshylyq týraly jýrnalǵa tirkeldi. Ol QR QK 296-babynyń 2-bóligi «Esirtki, psıhotroptyq zattarmen, sol tektestermen zańsyz jumys isteý» baby boıynsha jaýapqa tartylady.

Departament málimetinshe sottalǵandar tyıym salynǵan zattardy alyp júrgeni úshin 10 AEK mólsherinde aıyppul arqalaıdy.

Byltyr óńirde mundaı 6 fakti tirkeldi.