Qostanaıda Sibir eligin zańsyz atqandar ustaldy

QOSTANAI. QazAqparat – Qostanaı oblysynyń polıtseıleri Qarabalyq aýdanynyń Aqqudyq aýylynda eki sibir eligin atyp alǵandardy qolǵa túsirdi, dep habarlaıdy QazAqparat.

Polıtsııanyń baspasóz qyzmeti taratqan aqparatqa súıensek, «Brakoner» operatsııasy barysynda Qarabalyq aýdandyq polıtsııa bóliminiń ýchaskelik ınspektory Azar Nuralınov Aqqudyq aýylynyń mańynda qoryqshy Maqsut Shakıbaevpen birge «VAZ 21093» markaly avtokóligin toqtatqan. Kólik ishinde 26 jáne 29 jastaǵy eki adam bolǵan. Kóliktiń júksalǵyshynan atyp alynǵan Sibir eligi tabyldy. Kúdiktiler Qarabalyq kentiniń turǵyndary bolyp shyqty.

«QR «Qyzyl kitabyna» engizilgen janýarlar men qustardy zańsyz aýlaý ákimshilik nemese qylmystyq jaýapkershilikke ákep soǵady. Árbir jaǵdaıda atylǵan mal úshin memleketke zalal óteledi. Zańsyz ań aýlaý deregimen QR Qylmystyq kodeksiniń 337-baby 1-bóligi boıynsha sotqa deıingi tergeý bastaldy. Polıtseıler tirkelmegen tegis uńǵyly myltyq pen «VAZ» avtomashınasyn tárkiledi», - dep atap ótti Tabıǵatty qorǵaý polıtsııasy bóliminiń aǵa ınspektory Ǵazretǵalı Álimǵazın.

Polıtseıler osyndaı reıdtik sharalardyń únemi ótkizilip turatynyn eske saldy.