Qostanaıda shetel azamattaryna tıesili zańsyz maınıng fermasy tabyldy

QOSTANAI. QazAqparat - Qarjylyq monıtorıngi agenttiginiń Qostanaı oblysy boıynsha aýmaqtyq departamenti tsıfrlyq maınıngpen aınalysatyn tulǵalarǵa tıisti lıtsenzııasyz elektr energııasyn satý faktisi boıynsha «EG» JShS laýazymdy tulǵalaryna qatysty qylmystyq is qozǵady, dep habarlaıdy QazAqparat.

Sotqa deıingi tergeý barysynda 2021 jylǵy qarashadan 2022 jylǵy aqpanǵa deıin Qostanaı qalasynda «EG» JShS ornalasqan elektr energııasyn tutynýdyń kúrt óskeni anyqtaldy.

Joǵaryda kórsetilgen kezeńde elektr energııasyn satyp alýǵa jumsalǵan boljamdy soma 32 185 617 teńgeni qurady (1 kVt/saǵ úshin 32 teńge tarıfi kezinde).

Tintý júrgizý barysynda osy aýmaqta tsıfrlyq maınıngpen aınalysýǵa arnalǵan jabdyǵy bar eki konteıner tabyldy.

Odan 180 dana – ınternet jelisinde paıdalaný jolymen krıpto valıýtasyn óndirýge arnalǵan «ASIC» markaly arnaıy jabdyq: «Whatsminer M20S» jáne «Avalon Miner 1166pro-81t» shyqty.

Tintý kezinde mamandandyrylǵan tehnıkasy bar konteınerlerdi jalǵa bergen kásiporyndar anyqtaldy.

Olardyń quryltaıshylary - basqa óńirlerdiń (30%) jáne shetel (70%) azamattary.