Qostanaıda saılaý baqylaýshylaryna arnalǵan semınar-trenıng ótti

QOSTANAI. QazAqparat - Qostanaı qalasynda saılaý baqylaýshylaryna arnalǵan semınar-trenıng ótti, dep habarlaıdy QazAqparat prezıdenttikke kandıdat Ámirjan Qosanovtyń shtabyna silteme jasap.

Qazaqstan Respýblıkasy Prezıdenttigine úmitker Ámirjan Qosanovtyń oblystyq saılaýaldy shtabynda saılaý kúni ýchaskelerde daýys berý protsesin qadaǵalaıtyn baqylaýshylar úshin semınar uıymdastyryldy.

Іs-sharanyń moderatory jáne treneri - Dos Kóshim. Ol baqylaýshylardyń quqyqtary men mindetteri, saılaý kezinde oryn alýy yqtımal túrli jaǵdaılardaǵy áreketteri jaıly túsindirdi. Belgili saıasattanýshy elimiz boıynsha óziniń semınarlaryn ótkizýdi jalǵastyryp jatyr.

Qatysýshylar qyzyǵýshylyq tanytqan taqyryptaryn kóterip, barlyq ózekti suraqtaryna jaýap aldy.