Qostanaıda saýda oryndary aýktsıon arqyly satylyp jatyr

QOSTANAI. QazAqparat - Qostanaıda «1000 saýda orny» baǵdarlamasy boıynsha alǵashqy 15 jer ýchaskesi bólindi, dep habarlaıdy QazAqparat tilshisi.

Eń qymbat jer «Kostanay Plaza» saýda ortalyǵy aınalasyndaǵy jer telimi boldy. Ýchaske aýktsıonda bastapqy baǵasynan úsh ese qymbatqa - 1 mıllıon 170 myń teńgege satyldy.

Baǵdarlamaǵa «Atameken» ulttyq kásipkerler palatasy bastamashyl boldy. Ondaǵy maqsat - turaqty emes saýda úshin ýchaskeni jalǵa alýdy qalaıtyn kásipkerge jeńildik berý. Buryn bul protsess birneshe aıǵa sozylyp, qyrýar qujat jınaýdy talap etetin.

«1000 saýda orny» jobasy bastalǵaly bári de ońaı bola bastady. Shema óte qarapaıym: «Tobyl» áleýmettik kásipkerlik korporatsııasy ýchaskeni jalǵa alady, ony resimdep, aýktsıon arqyly kásipkerlerge qosalqy jalǵa (jalgerlik) beredi. ıAǵnı kásipker aýktsıonnyń erteńine-aq shartqa qol qoıyp, jer telimin paıdalana alady.

«Aýktsıon aǵylshyn ádisimen ótkizildi. 1 sharshy metrdiń bastapqy baǵasy 12 myń teńge boldy. Aýktsıon barysynda kásipkerlerdiń ózderi jerdiń baǵasyn kóterdi. «Kostanay Plaza» saýda ortalyǵynyń mańyndaǵy 30 sharshy metr 1 mıllıon 170 myń teńgege satyldy», - deıdi Qostanaı oblystyq kásipkerler palatasynyń bólim bastyǵy Gennadıı Kýkoba.

Qalǵan ýchaskeler, atap aıtqanda, Ortalyq saıabaqtaǵy jáne Qostanaıdaǵy jaǵalaýlardaǵy jerler 144 myńnan 500-600 myń teńgege deıingi aralyqta baǵalandy.