Qostanaıda salmaǵy 7 kelige jýyq alyp qyz dúnıege keldi

QOSTANAI. QazAqparat - Áýlıekól aýdanynyń turǵyny Áıgerim Doldasheva salmaǵy 6,7 keli qyzdy dúnıege ákeldi. Alyp qyz Qostanaı oblystyq aýrýhanasynyń perınataldyq ortalyǵynda dúnıege keldi, dep habarlaıdy QazAqparat tilshisi aýrýhananyń baspasóz qyzmetine silteme jasap.

«Bosanǵan áıel bala salmaǵynyń úlken ekenin aldyn ala bildi, sondyqtan otbasy da, dárigerler de daıyndaldy. Bala merziminde kesar tiligi arqyly týdy. Týý kezeńi aýyr ótkendikten reanımatologtardyń kómegi qajet boldy, - deıdi oblystyq aýrýhananyń baspasóz hatshysy Ksenııa Jılkıbaeva. - Anasy eki kún jansaqtaý bóliminde jatty. Qazir onyń ómirine qaýip tónip turǵan joq, sábı anasynyń qasynda».

Salmaǵy úlken balanyń dúnıege kelýine aýrýhana qyzmetkerleri de daıyn boldy. Biraq olar buǵan deıin 6 kg-nan artyq salmaqpen týǵan jaǵdaıdyń bolǵan joq deıdi.

Bul - otbasyndaǵy úshinshi bala.

Aıarýdy anasymen birge Áýlıekólde otbasy kútip otyr, olar jaǵdaıy ońalǵannan keıin birden úıine qaıtady.