Qostanaıda sábıge dóreki minez kórsetken balabaqsha tárbıeshisi jumystan shyǵaryldy

QOSTANAI. QazAqparat - Áleýmettik jelide Qostanaıdaǵy «Amanat&K» túzetý ortalyǵy tárbıeleýshisiniń eńbektegisi kelgen sábıdi dóreki túrde tartyp, súıretip jatqany týraly vıdeosy tarady. Bul derekke oblystyq bilim basqarmasy túsinik berdi, dep habarlaıdy QazAqparat tilshisi.

«Biz úshin eń aldymen balalardyń qaýipsizdigi, olardyń ómiri men densaýlyǵyn saqtaý mańyzdy. «Amanat&K» Bilim berý kesheni» JShS jaǵdaıyn baqylaýda ustaımyz. Jaqynda ǵana synaq merzimine alynǵan tárbıeshiniń kómekshisi bala kútiminen shettetilip, jumystan shyǵaryldy. Onyń áreketine quqyqtyq baǵany quzyrly organdar beredi», - dedi vedomstvo.

Búgin ata-analar jınalysy uıymdastyrylyp, onda balabaqsha ákimshiligi ata-analardy tolǵandyrǵan barlyq suraqtarǵa jaýap berdi.

«Bilim basqarmasy, sondaı-aq Qostanaı qalasynyń bilim bólimi balabaqshanyń qyzmetin tekseredi», - dep tolyqtyrdy bilim basqarmasynan.

Ortalyq basshysy Shynar Jalmuhamedova da oqıǵaǵa qatysty pikirin bildirdi.

«Bizdiń ortalyqta jantúrshigerlik oqıǵa boldy: tárbıeshiniń kómekshisi balaǵa dórekilik kórsetýge jol berdi. Qazir qyzmettik tergeý júrip jatyr. Maman bizdiń ortalyqta 1 aı jumys istedi. Búgin ol jumystan shyǵaryldy. Vıdeony jaqyn jerde otyrǵan balabaqshadan tájirıbeden ótip júrgen stýdent túsirip alǵan. Tıisti qorytyndy jasaımyz», - dedi Sh.Jalmuhamedova.

Janna Musabaeva