Qostanaıda polıtsııa 100 mln teńgeniń sıntetıkalyq esirtkisin tárkiledi

ASTANA. QazAqparat - Qostanaı oblysynda polıtsııa qyzmetkerleri esirtki saýdalaýshyny ustap, odan qun 100 mln teńgeden asatyn sıntetıkalyq esirtki partııasy tárkilendi, dep habarlaıdy QazAqparat Polisia.kz saıtyna silteme jasap.

Kúdiktini ustaý boıynsha operatsııany Qostanaı oblysy Polıtsııa departamenti esirtki qylmysyna qarsy kúres basqarmasynyń qyzmetkerleri Tobyl qalasynda «Qarasora – 2023» jedel aldyn-alý sharasy sheńberinde júrgizdi.

«Jedel-izdestirý is-sharalaryn júrgizý barysynda Tobyl qalasynda polıtsııa qyzmetkerleri tintý kezinde kúdiktiden 3 keliden astam sıntetıkalyq esirtki tárkiledi. Budan basqa, 2 myńnan astam orap, satýǵa daıyndalǵan sıntetıka tárkilendi, bul asa iri kólem», - dep Qostanaı oblysy PD esirtki qylmysyna qarsy is-qımyl basqarmasynyń bastyǵy Nurjan Ahmetov oblystyń 31 jastaǵy turǵynyn ustaý jónindegi operatsııanyń mán-jaıy ýraly aıta kele.

Mundaı partııanyń quny 100 mln teńgeden asady. Qazirgi ýaqytta atalǵan fakti boıynsha QR QK 297-baby 3-bóligine sáıkes, sotqa deıingi tergeý bastaldy. Kúdikti qamaýǵa alyndy. Qajetti tergeý áreketteri júrgizilýde. Júrgizilgen saraptamaǵa sáıkes alynǵan zat – «mefedron» sıntetıkalyq preparaty.

Qostanaı oblysynda «Qarasora – 2023» jedel aldyn-alý sharasy ótkizile bastaǵannan beri 10 keliden astam túrli esirtki tárkilengen.