Qostanaıda polıtseıler úılený toıynyń ústinen tústi

QOSTANAI. QazAqparat – Rýdnyı qalasynda monıtorıng toby karantın rejımin buzǵan toıhana ıesine aıyppul saldy, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Polıtseıler Rýdnyı qalasyndaǵy «Kerýen» toıhanasyna baryp, úılený toıyn toqtatty.

Meıramhana ákimshiligi aımaqta engizilgen karantın sharalaryna qaramastan qonaqtardy qabyldaǵan. Toıǵa 30-dan astam adam jınalǵan.

Endi toıhana ıesi men mereke ıelerine QR ÁQBtK 425-babynda kózdelgen aıyppul salynady.

Polıtsııa jınaǵan materıaldardy ary qaraı sheshim qabyldaý úshin Rýdnyı qalalyq sanıtarlyq-epıdemıologııalyq baqylaý basqarmasyna tapsyrdy.

Rýdnyı qalasynyń polıtsııa basqarmasy karantındi buzǵany úshin shaǵyn kásipkerlik sýbektilerine nemese kommertsııalyq emes uıymdarǵa 230 AEK deıin, orta kásipkerlikke — 310, iri kásipkerlikke — 1600 AEK deıin aıyppul salynatynyn eske salady.