Qostanaıda polıtseı 2 jasar qyzdy aman alyp qaldy
20 mamyr kúni 102 pýltine shuǵyl habar kelip túsken. Onda Volynov kóshesinde ornalasqan úıdiń 2-qabatyndaǵy terezede kishkentaı balanyń shybyn-shirkeıden qorǵaıtyn torǵa súıenip otyrǵany aıtylǵan.
Oqıǵa ornyna eń jaqyn mańdaǵy №522 avtopatrýl attandy. Onyń quramynda leıtenant Mereı Haırýllın men aǵa leıtenant Áset Baıtasov bar edi.
Polıtseıler atalǵan jerge birneshe mınýtta kelip jetken. Bul kezde úı mańyna kórshiler men jolaı ótip bara jatqan adamdar jınalyp qalǵan eken.
Patrýl polıtseıi Mereı Haırýllın oılanbastan úıdiń kireberisindegi kúnqaǵardyń ústine shyǵyp, terezege jetti.
«Ol bir qolymen tordy ıterip, ekinshi qolymen balany ustap turdy. Qutqarý operatsııasy sátti ótti, 2 jasar Angelına qulamaı aman qaldy» dep málim etti polıtsııa.
Úı turǵyndary Mereı Haırýllınge alǵys aıtty.