Qostanaıda órtten zardap shekken otbasyna páter berildi

QOSTANAI. QazAqparat – Qostanaı oblysynyń ákimi Arhımed Muhambetov órtten zardap shekken kópbalaly otbasyna páterdiń kiltin tabystady. Sonymen qatar balalardy órtten aman alyp qalǵan besinshi synyp oqýshysy Oleg Pırogovtyń erligi de eleýsiz qalmady, dep habarlaıdy QazAqparat tilshisi.

Arhımed Muhambetov balalardy órtten aman alyp qalǵan Oleg Pırogovpen kezdesti. Sonymen qatar ol órttiń saldarynan úıinen aıyrylyp qalǵan Ómirzaqovtar otbasymen tildesti.
Kezdesý barysynda Arhımed Muhambetov kópbalaly otbasyna Abaı kóshesiniń boıynan 7,6 sharshy metrlik úsh bólmeli páterdiń kiltin tabystady.
Al Oleg Pırogov oblys ákiminen alǵys hat pen noýtbýk aldy. A. Muhambetov qutqarýshy balanyń ata-anasyna laıyqty tárbıe bergeni úshin alǵys aıtty.