Qostanaıda órtengen úıden erli-zaıyptylar men eki kishkentaı qyzdyń denesi tabyldy

QOSTANAI. QazAqparat - Qostanaı oblysynda jer úıdegi órt tórt adamnyń ómirin qıdy, dep habarlaıdy QazAqparat.

Qostanaı oblystyq tótenshe jaǵdaılar departamenti taratqan málimetke sensek, 27 naýryz saǵat 13:57 kezinde Qostanaıdaǵy Tobyl kóshesinde eki qabatty jeke turǵyn úıden órt shyqqan.

Qyzyl jalyn ekinshi qabatqa 100 sharshy metr aýmaqty sharpydy.

Oqıǵa ornynan úı-jaıdy jalǵa alǵan 1988 jyly týǵan azamattyń janyp ketken denesi tabyldy.

Órt kezinde zardap shekken 1985 jyly týǵan áıel jedel járdem kóliginde qaıtys boldy.

Kórshi bólmeden órt sóndirýshiler 2011 jáne 2013 jyly týǵan eki qyzdyń máıitin tapty. Olar týystaryna qonaqqa kelgen eken.

Tilsiz jaý saǵat 15:05-te sóndirildi. Órttiń shyǵý sebebi anyqtalyp jatyr.

Oqıǵa ornynda TJD synaq zerthanasynyń mamandary jumys isteıdi.

Órtti sóndirýge TJD 23 qyzmetkeri men 5 arnaıy tehnıka jumyldyryldy.