Qostanaıda munaı óńdeıtin jasyryn tseh tabyldy

QOSTANAI. QazAqparat - Qostanaı oblysynda munaı ónimderiniń zańsyz aınalymynan 30 tonnaǵa jýyq munaı tárkilendi, dep habarlaıdy «QazAqparat» HAA tilshisi Qostanaı oblystyq Memlekettik kirister departamentine silteme jasap.

Qostanaı oblysy boıynsha Memlekettik kirister departamentiniń Ekonomıkalyq tergeý qyzmetinde málim etilgendeı, oblys aýmaǵynan munaı ónimderin qaıta óńdeıtin jerasty jasyryn tsehy tabyldy.

«Munaı ónimderiniń zańsyz aınalymynan quny 4 mln teńgeden astam somaǵa 30 tonnaǵa teń munaı tárkilendi», - delingen vedomstvonyń habarlamasynda.

Aıta keteıik, ekonomıkalyq tergeý qyzmeti osy jyldyń birinshi jartyjyldyǵyndaǵy jumys nátıjesin jarııalaǵan bolatyn.

Sondaı-aq, jyl basynan beri Qostanaı oblysynda alkogol ónimderiniń zańsyz aınalymynan quny 5,5 mln teńgeden asatyn 23 540 bótelke jáne 10 420 lıtr mólsherinde alkogoli bar suıyqtyq tárkilengen. «Bond» brendimen shyǵatyn 3,4 mln teńgeniń (15 myń paket) temeki ónimderi de saýda oryndarynan alynyp tastaldy.

Jalpy, tergeý qyzmeti ótken 6 aı ishinde óndiriske 116 qylmystyq quqyq buzýshylyqty tirkedi. Onyń 43-i iri kólemdi qylmys sanatyna jatatyny anyqtaldy.