Qostanaıda múgedektigi bar balalar qoǵamdyq kólikterde tegin júre alady
Bul týraly Qostanaı qalasy ákimdiginiń TKSh bólimi Instagram-da jazdy.
«Qostanaı ákimdiginiń birlesken qaýlysy men Qostanaı oblystyq máslıhatynyń Qostanaıda qoǵamdyq kólikte jeńildikpen júrý jónindegi sheshimi 29 shildede kúshine endi», - dep habarlady vedomstvo.
Azamattardyń kelesi sanattary tegin jol júre alady:
- UOS qatysýshylary men múgedekteri, basqa memleketterdiń aýmaǵyndaǵy soǵys qımyldarynyń ardagerleri, UOS ardagerlerine jeńildikter boıynsha teńestirilgen ardagerler;
- 18 jasqa deıingi múgedek balalar;
- «Altyn alqa» jáne «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kóp balaly analar;
- birinshi jáne ekinshi toptaǵy múgedekter.
Arnaıy áleýmettik kartalardy «ALEM PAY» operatorynan satyp alýǵa bolady. Kartany alý úshin qostanaılyqtar azamattardyń jeńildik sanatyna jatatynyn rastaıtyn qujattardy usynýy qajet.