Qostanaıda merdiger qaýipti medıtsınalyq qaldyqtardyń kózin joımaı, qoımaǵa jınaǵan

<p>QOSTANAI. KAZINFORM — Qostanaı oblysynyń tabıǵat qorǵaý prokýrorlary qaýipti medıtsınalyq qaldyqtardyń zańsyz qoımasynyń qyzmetin toqtatty.</p>

Taldaý barysynda «A» JShS qaýipti medıtsınalyq qaldyqtardy shyǵarý jáne kádege jaratý qyzmetterin memlekettik satyp alýdyń 7 rásimi boıynsha jeńimpaz dep tanylǵany anyqtaldy.

JShS-niń kádege jaratý qýaty Astana qalasynyń mańynda ornalasqandyqtan josyqsyz merdiger qoqysty zańda kózdelgendeı ár 3 kún saıyn óziniń kádege jaratý obektisine aparmaı, Qostanaı qalasynda zańsyz qoımaǵa jınaı bergen. 

Qaýipti qaldyqtardy qarapaıym qaýipsizdik talaptaryn saqtamaı jınady. 

Foto: Qostanaı oblysy prokýratýrasy

Sonymen qatar, kásiporyn elordaǵa qaýipti júk tasymaldaý úshin mamandandyrylǵan kólikti emes, mobıldi qosymsha boıynsha jalǵa alynǵan kádimgi júk kóligin paıdalanǵan. 

Osy fakt boıynsha Qylmystyq kodekstiń 332-baby 1-bóligi boıynsha sotqa deıingi tergeý bastaldy.