Qostanaıda memlekettik satyp alýdy tıimsiz ótkizgen mekemeler anyqtaldy
Sybaılas jemqorlyqqa qarsy qyzmet pen «Qostanay – adaldyq alany» jobalyq ofısi birlesip áleýmettik jáne medıtsınalyq saladaǵy memlekettik uıymdardyń satyp alý josparlaryna monıtorıng júrgizgen. Nátıjesinde mekemelerdiń memlekettik satyp alýdy 140 mln teńgeden astam somaǵa artyq ótkizgeni anyqtaldy.
«Qostanaı qalalyq aýrýhanasy 2 220 000 teńgege kaltsıı gıpohlorıtin satyp alýdy josparlaǵan. Alaıda ónim berýshi baǵany 2 esege tómendetken jáne bul 1 284 000 teńgeni qurady. Sol sebepti bıýdjetke 936 000 teńge qaıtaryldy. Barlyǵy 14 memlekettik mekemege memlekettik satyp alý josparlaryndaǵy baǵany azaıtý jáne olardy ortasha naryqtyq mánge sáıkes keltirý boıynsha usynystar jiberildi. Memlekettik satyp alý portaly arqyly baǵany kóterý sybaılas jemqorlyq quqyq buzýshylyqtaryna jatady jáne bıýdjet qarajatynyń tıimsiz jumsalýyna alyp keledi. Naqty baǵalardy anyqtaý jáne memlekettik satyp alý josparlaryn tıimdi qalyptastyrý el bıýdjetin basqa da qajettilikterge bólýge múmkindik beredi», – deıdi Qostanaı oblysy boıynsha Sybaılas jemqorlyqqa qarsy qyzmet basshysynyń birinshi orynbasary Danııar Smaǵulov.
Vedomstvoda atap ótkendeı, memlekettik satyp alý monıtorıngi únemi júrgiziletin bolady. Qazirgi ýaqytta 21 mıllıonnan astam bıýdjet qarajaty únemdelgen.