Qostanaıda «Qyzyl kitapqa» engen qusty atqan ańshy ustaldy

QOSTANAI. QazAqparat – Qostanaı oblysynda «Qyzyl kitapqa» engen qusty atqan jergilikti turǵynǵa qatysty qylmystyq is qozǵaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Qostanaı oblysy polıtsııa departamenti tabıǵat qorǵaý polıtsııasynyń qyzmetkerleri ań aýlaý maýsymynda reıdterti kóbeıtedi. Kezekti tekserý sharalary kezinde «Qyzyl kitapqa» engen qusty atý deregi tirkeldi.

«Qamysty aýdanynyń aýmaǵynda tabıǵatty qorǵaý polıtsııasynyń qyzmetkerleri erekshe qorǵaýǵa alynǵan qyzyl qazdy atyp óltirdi degen kúdikpen jergilikti turǵyndy ustady. Sondaı-aq ańshy sómkesinen dala úıregi men qyzyl úırektiń terisi tárkilendi. Qazirgi ýaqytta Qamysty aýdandyq polıtsııa bólimi «Zańsyz ań aýlaý» baby boıynsha qylmystyq isti bastady», - dedi Qostanaı oblysy PD tabıǵatty qorǵaý polıtsııasy bólimshesiniń bastyǵy Talǵat Ahmetov.

Qazir osy is boıynsha sot-medıtsınalyq, bıologııalyq, trassologııalyq, ballıstıkalyq saraptamalar taǵaıyndaldy. Sonymen qatar memleketke keltirilgen shyǵyn kólemi eseptelýde.