Qostanaıda qyraǵy taksı júrgizýshisi zeınetkerdi alaıaqtardan qutqaryp qaldy

Qostanaı oblysynda polıtseıler taksı júrgizýshisiniń qyraǵylyǵynyń arqasynda alaıaqtyqtyń aldyn aldy, dep habarlaıdy QR ІІM baspasóz qyzmeti.

14 qyrkúıekte Lısakov qalasynda taksı júrgizýshisi Serik Naǵashybaevqa áıel adamnan zattar salynǵan sómkeni Rýdnyıǵa jetkizý jóninde tapsyrys túsken. Áıel jetkizý somasyn 8 myń teńge dep kórsetken.
Alaıda paketti taksı júrgizýshisine 80 jastaǵy zeınetker bergen. Ol qyzynyń qıyn jaǵdaıǵa tap bolǵanyn jáne tez arada zattaryn jetkizý kerektigin aıtqan.
Serik Naǵashybaev tapsyrys berilgen somaǵa kúdiktenip, polıtsııaǵa habarlasqan.
Zeınetker taksı arqyly alaıaqtarǵa 3 mıllıon teńge berip jibermek bolǵan, taksıdi kúdiktiler ózderi shaqyryp bergen.
Polıtsııa qyzmetkerleri Dıas Rahmetov pen Erqanat Rahımov qyzynda bári jaqsy ekenin aıtyp, zeınetkerge aqshany qaıtaryp berdi.
Qazirgi tańda polıtseıler alaıaqtyq jasamaq bolǵan adamdardy anyqtaý maqsatynda jedel izdestirý sharalaryn júrgizip jatyr.
Zeınetkerdiń qyzy Elena Kononıýk polıtsııa qyzmetkerleri men taksı júrgizýshisine alǵysyn bildirdi.