Qostanaıda kúzette uıyqtap qalǵan sarbaz jazalandy

QOSTANAI. QazAqparat - Qarabalyq aýdanyndaǵy shekara beketiniń qyzmetkeri uıyqtap qalǵany úshin jazalandy, dep habarlaıdy QazAqparat oblystyq sottyń baspasóz qyzmetine silteme jasap.

2017 jylǵy 11 qazanda áskerı bólimniń qyzmetkeri M. QR áskeri ishki qyzmet jarǵysyn buzdy. Condaı-aq, zastava kezekshisiniń buıryǵyn oryndamaǵan.

«Shekarashy sol kúni saǵat 07-00-der kezinde memlekettik shekarany kúzetý úshin qyzmetine kiristi. Ol saǵat 13-00 jáne 14-00 aralyǵyndaǵy tehnıkalyq úziliste uıyqtap ketken. Keıin málim bolǵandaı, ol tehnıkalyq úzilisten soń da uıyqtaǵan. Áskerı qyzmetker óz kinásin moıyndady», - dep habarlady oblystyq sottyń baspasóz hatshysy Indıra Qusaıynova.

Vedomstvo ókilderiniń aıtýynsha, áskerı qyzmetker kelisimshart boıynsha jumysqa alynǵan. Shekarashy ákimshilik jazaǵa tartyldy. Ol memleket qazynasyna 60125 teńge tóleıdi.