Qostanaıda qutqarýshylar boranda adasyp qalǵan áıeldi tapty

QOSTANAI. QazAqparat – Qostanaı oblysy tótenshe jaǵdaı departamentiniń qyzmetkerleri boranda adasyp qalǵan áıeldi tapty, dep habarlaıdy QazAqparat oblystyq departamenttiń baspasóz qyzmetine silteme jasap.

TJD kezekshi bólimine Fedorov aýdanynda 1979 jyly týǵan áıeldiń joǵalyp ketkeni týraly habar kelip tústi. Qutqarýshylar áıeldi shamamen 4 saǵat boıy izdeldi.

Іzdeý-qutqarý jumystary Fedorov aýdany Voronej aýyldyq okrýgi aınalasynda júrgizildi.

«1979 jyly týǵan azamatsha boranda adasyp qalǵan. Ol medıtsınalyq kómekke muqtaj bolmady. Іzdestirý jumysyna joǵary ótimdi trekol markaly 2 tehnıkasy men jeke quramnyń 6 adamy shyqty», - dedi Qostanaı oblysy TJD Órt sóndirý qyzmetiniń jedel kezekshisi Igor Merts.

Oblystyq TJD baspasóz qyzmeti qostanaılyqtardy qaýipsizdik erejelerin saqtaýǵa jáne aýa raıynyń qolaısyz kezinde eldi mekennen tys jerlerge shyqpaýǵa shaqyrady.

Óıtkeni qarapaıym abaısyzdyq qaıǵyly jaǵdaıǵa ákelýi múmkin.