Qostanaıda qurylys alańynda turǵan vagon órtendi
Oqıǵa Qostanaı qalasynyń Qobylandy batyr kóshesinde bolǵan. Qurylys júrip jatqan nysan aýmaǵynda vagon órtengen. Órt 75 sharshy metr aýmaqty sharpydy.
«Ot qurylys nysanynan birneshe metr qashyqtyqta ornalasqan 5 qabatty turǵyn úıdiń qorshaýyna tarady. Oqıǵa ornyna kelgen Qostanaı qalasynyń №1-MÓSB órt sóndirýshileri vagon ishindegi syǵylǵan ottegi bar 3 ballon jáne suıytylǵan propan bar 1 ballondy alyp shyqty. Órt sóndirýshiler úı-jaıdan barlyq ballondardy shyǵaryp, órt qaýiptiligi joǵary aımaqtan kóshirdi. Sonymen qatar qutqarýshylardyń kúshimen kóp qabatty úıden baspaldaq marshy arqyly 30 adam, onyń ishinde 3 bala evakýatsııalandy. Qaza bolǵandar men zardap shekkender joq. Órttiń shyǵý sebebi anyqtalýda», delingen vedomstvo habarlamasynda.