Qostanaıda kúdikti sómke tabylyp, ákimdik mańy qorshaýǵa alyndy

QOSTANAI. QazAqparat - Búgin tártip saqshylary Qostanaı qalasynyń ortalyǵyn qorshaýǵa aldy, dep habarlaıdy QazAqparat tilshisi.

Oblystyq ІІD-niń baspasóz hatshysy Irına Bejenardiń sózinshe, ákimdik ǵımaraty ornalasqan qala ortalyǵy kúdikti sómke úshin qorshaýǵa alynǵan.

«9 sáýir kúni saǵat 15:22-de «102» pýltine «Qazaqtelekom» AQ qyzmetkeri qońyraý shalyp, ǵımarat mańynda kúdikti sómkeniń jatqanyn habarlady. Terrorızmge qarsy qaýipsizdik maqsatynda barlyq irgeles aýmaq tolyqtaı qorshaýǵa alyndy», - dedi vedomstvo ókili.

Tekserý kezinde anyqtalǵandaı, kúdikti sómke ishinde aıaq kıim salynǵan qorap bolǵan. Qazirgi ýaqytta sómkeniń ıesi tabyldy.