Qostanaıda kran-manıpýlıator 12 jastaǵy jasóspirimdi qaǵyp ketti
20:54, 11 Mamyr 2022
QOSTANAI. QazAqparat — Jaıaý júrginshiler ótkelinde joldy kesip ótken jasóspirimdi kran-manıpýlıatordyń júrgizýshisi qaǵyp ketti, dep habarlaıdy QazAqparat tilshisi.
«Búgin saǵat 15.00 shamasynda Chernyshevskıı kóshesinde kran-manıpýlıatordy tizgindegen 49 jastaǵy júrgizýshi retteletin jaıaý júrginshiler ótkelinde joldy kesip ótip bara jatqan 12 jastaǵy jasóspirimdi qaǵyp ketken. Jasóspirim alǵan jaraqattarynan oqıǵa ornynda kóz jumdy», - dep túsinik berdi oblystyq polıtsııa departamentiniń baspasóz qyzmeti.
Qazirgi tańda abaısyzda adam ólimine ákep soqqan «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý amaldary bastaldy.
Oqıǵa ornynda qajetti tergeý amaldary júrgizilýde.