Qostanaıda kópbalaly 100 otbasyna páter beriledi
Turǵyn úı qurylysy – óńir ekonomıkasyn damytýdyń basty faktory. Qostanaı qalasynyń ákimi Qaırat Ahmetov turǵyndarmen kezdesý barysynda osy máselege ekpin qoıdy. Şahar basshysynyń aıtýynsha, 2019 jyly «Nurly jer» memlekettik baǵdarlamasyn iske asyrý aıasynda 229,2 myń sharshy metr turǵyn úı paıdalanýǵa berildi. Bul maqsatta 22 mlrd teńge qarjy jumsaldy.
«Osy jyly turǵyn úı jáne ınjenerlik kommýnıkatsııalar qurylysyna 19 mlrd teńge qarastyrylǵan. Sonymen qatar bıyl 269 myń sharshy metr turǵyn úıdi paıdalanýǵa berý josparlanýda. Onyń ishinde bıýdjet qarajaty esebinen 10 kóp qabatty úı boı kóteredi. 4 jylǵa beriletin jáne 6 kredıttik úı salynady. Qazirgi ýaqytta Qostanaı qalasy ákimdiginiń janyndaǵy turǵyn úıge muqtaj azamattardyń esebinde 12,6 myń adam tur», - dep málimet berdi qala basshysy.
Aıta keteıik, 2019 jyly kópbalaly otbasy alǵash ret jeke sanatqa bólindi. Búginde Qostanaı qalasynda 212 adam esepte tur. Osy sanattaǵy azamattardyń kezektiligin tómendetý maqsatynda byltyr respýblıkalyq jáne jergilikti bıýdjetten 569 mln teńge qarajat bólindi.
«2020 jyly bul jumys jalǵasady. Qazyna qarajatynan 1,2 mlrd teńge qarastyrylǵan. Buǵan kópbalaly 100 otbasyna páter satyp alý josparlanyp otyr», - dedi Qaırat Ahmetov.