Qostanaıda kontrabandalyq jolmen temeki jetkizý arnasynyń jol kesildi

<p>QOSTANAI. KAZINFORM - Qostanaıda polıtseıler 50 mıllıon teńge bolatyn kontrabandalyq temekini jetkizý arnasynyń jolyn kesti, dep habarlaıdy Polisia.kz.</p>

Oblys ortalyǵynyń qoımalarynyń birinde polıtsııa qyzmetkerleri 50 mıllıon teńgeden astam somaǵa esepke alý-baqylaý markalary joq 126 myń qorap temekini taýyp, tárkiledi.

Anyqtalǵandaı, qyrkúıek aıynda jergilikti kásipker bul partııany keıinnen satýdy kózdep, belgisiz bireýlerden naryqtyq baǵadan tómen baǵamen satyp alǵan.

Qazirgi ýaqytta polıtseıler jetkizý arnasyn jáne zańǵa qaıshy áreketterge qatysy bar barlyq adamdardy anyqtaý úshin odan ári is-sharalar júrgizýde.

«Jınalǵan jáne alynǵan materıaldar Qostanaıdyń Memlekettik kirister basqarmasyna berildi»,-delingen habarlamada.

Osyǵan deıin BQO-da quny 714 mln teńge turatyn temeki ónimderin shekaradan qujatsyz alyp ótpek bolǵandardyń ustalǵany týraly habarladyq.