Qostanaıda kóbik keshinde toq soǵyp kóz jumǵan kishkentaı qyzdyń isi sotqa jetti

<p>QOSTANAI. KAZINFORM - Qaıǵyly oqıǵa ótken jyldyń jazynda Qostanaı oblysynyń Uzynkól aýdanynda bolǵan edi.&nbsp;</p>

9 jasar qyzdy kóbik keshinde elektr togy soqqan. Qostanaı oblysynyń prokýratýrasy sotqa deıingi tergeýdiń aıaqtalǵanyn jáne istiń sotqa jetkenin habarlady. 

Vedomstvo sot otyrysy ótetin baptyń sanktsııasy 4 jyldan 8 jylǵa deıingi merzimge bas bostandyǵynan aıyrý jazasyn kózdeıtinin málimdedi.

Aıyptaý aktisimen qylmystyq is Uzynkól aýdandyq sotyna kelip tústi.

— Aıyptalýshynyń is-áreketi Qylmystyq kodekstiń 306-baby 3-bóligi (qaýipsizdik talaptaryna saı kelmeıtin, abaısyzda adam ólimine ákep soqqan taýarlardy shyǵarý nemese satý, jumysty oryndaý nemese qyzmet kórsetý) boıynsha saralanǵan, — dep naqtylady prokýratýra.

Esterińizge sala keteıik, buǵan deıin Qostanaı oblysynda kóbik keshinde kishkentaı qyzdy toq soqqanyn habarlaǵan edik.

— 25 tamyz kúni Uzynkól kentinde Jastar kúnine oraı kóbik keshi ótken. Onda 9 jasar qyzdy toq soqty. Іs-sharada kezekshilik etken dárigerler oǵan oqıǵa ornynda alǵashqy medıtsınalyq kómek kórsetti. Qyz aýdandyq aýrýhanaǵa jatqyzyldy, — dep habarlady Qostanaı oblysynyń polıtsııa departamentinen.

Keıin toq soqqan qyzdy Ulttyq shuǵyl medıtsınany úılestirý ortalyǵynyń mamandary emdeıtini belgili boldy.

Mekeme jetekshisi Danııar Jandaevtyń aıtýynsha, kishkentaı qyz Uzynkól aýdandyq aýrýhanasyna óte aýyr jaǵdaıda túsken.

Eki aptadan astam ýaqyt ótkende toq soqqan kishkentaı qyzdyń qaıtys bolǵany habarlandy.