Qostanaıdaǵy jarylys: qıraǵan úıindi astynan úsh adamnyń denesi tabyldy

<p>Qostanaı qalasy Amangeldi kentindegi jarylys bolǵan jerde qutqarý jumystary aıaqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Búgin saǵat 12:36-da Qostanaı qalasynda gaz-aýa qospasy jarylyp, saldarynan bir qabatty ǵımarat tolyǵymen opyrylǵan bolatyn.

«Órt aýmaǵy – 5 sharshy metr. Sonyń saldarynan aldyn ala esep boıynsha aýmaǵy 280 sharshy metr bir qabatty ǵımarat tolyq opyrylǵan. Órt 13:25-te oqshaýlanyp, 13:52-de sóndirildi», - dep habarlady oblys ákimdigi.

Órt sóndirý jáne izdestirý-qutqarý jumystaryna Tótenshe jaǵdaılar qyzmetiniń 263 qyzmetkeri men 61 tehnıka jáne eriktiler jumyldyryldy.

Іzdestirý-qutqarý jumystary nátıjesinde 12 adam qutqaryldy. Bir kún buryn úsh adam qutqarylǵanymen, qalǵan úsheýin qutqarý múmkin bolmady. 

Tórt adam oblystyq aýrýhanaǵa jatqyzyldy. Qalalyq aýrýhanada alty adam jatyr. Bir adam medıtsınalyq kómekke óz betinshe júginse, bireýi aýrýhanaǵa jatýdan bas tartqan. Zardap shekkenderdiń barlyǵy qajetti medıtsınalyq qyzmetpen qamtamasyz etildi.

Aldyn ala málimet boıynsha, osy oqıǵadan 7 jeńil kólik pen 5 aýyr júk kóligi, sondaı-aq jaqyn mańdaǵy 12 jeke ǵımarat zardap shekken.

Qostanaı qalalyq polıtsııa basqarmasy QR QK 292-baby 3-bóligi, «Abaısyzda eki jáne odan da kóp adamnyń ólimine ákelip soqqan órt qaýipsizdigi talaptaryn buzý» boıynsha sotqa deıingi tergep-tekserýdi bastady.

Aıta keteıik, Qostanaıda úı opyrylyp, jeti adam úıindi astynda qalyp qoıǵan edi.

Keıin úıindi astynan 3 adam shyǵaryldy.

Qıraǵan úıdiń astynda áli de adamdar bar ekeni anyqtaldy.

Jedel kómek qyzmeti 4 adam — Qostanaı oblystyq aýrýhanasyna, 7 adam — Qostanaı qalalyq aýrýhanasyna jetkizilgenin málim etti.

Sondaı-aq qıraǵan úıdiń ornynda qutqarý jumysy jalǵasyp jatqany habarlandy.