Qostanaıda qıraǵan úıdiń astynda áli de adamdar bar

<p>Qostanaıda qulaǵan úıdiń astynda bir adam bar. Bul jaıynda <a href="https://www.inform.kz/ru/vzriv-v-kostanae-poiskovo-spasatelnie-raboti-prodolzhayutsya-d397c6" target="_blank" rel="noopener">Kazinform</a> tilshisi oqıǵa ornynan habarlady.&nbsp;</p>

 
Eske sala keteıik, Qostanaı qalasyndaǵy Amangeldi kentinde bir kún buryn ǵımarat opyrylyp qulady.

Aldyn ala málimet boıynsha, onda gaz-aýa qospasy jarylǵan. 

Ǵımarat úıindisiniń astynda jeti adam qalǵan. Eki adam qutqaryldy, bireýiniń denesi tabyldy.

Taǵy bireýin izdeý jumystary jalǵasyp jatyr. Habarlanǵandaı, onyń aıaǵy taqtalardyń arasyna qysylyp qalǵan.

TJD jumystyń óte kúrdeli ekenin naqtylady.

Foto: Darıa Averchenko/Kazinform

«Úıde otyrǵanda tars etken áldebir dybysty estip, bireýdiń kóliginiń dóńgelegi jaryldy ma dep oıladym. Dalaǵa shyqsam, adamdar, kólikter júr. Keıin jarylys bolǵanyn oqydym», — dedi jergilikti turǵyn Іlııas.

Jumys barysynda oqıǵa ornynaǵy úıindi astynda qalýy múmkin adamnyń týysy da kelgen. Ol osy jerde jaqyn adamy jumys isteıtinin aıtty. 

Kýágerlerdiń aıtýynsha, bul jerde júk jáne jeńil kólikterdi jóndeıtin jekemenshik aýmaq bolǵan. 

Foto: Darıa Averchenko/Kazinform

«Jeńil jaraqat alǵan tórt adam aýrýhanaǵa jatqyzyldy. Úıindi astynda bir adam qaldy», — dep habarlady polıtsııadan.

Oqıǵa ornyna eriktiler kelip jatyr.

Olar eń qajetti zattar: kórpe, jyly kıim, ystyq shaı, baýyrsaq, t. b. ákeldi.

Foto: Darıa Averchenko/Kazinform

Jedel kómek qyzmeti 4 adam Qostanaı oblystyq aýrýhanasyna, 7 adam Qostanaı qalalyq aýrýhanasyna jetkizilgenin málim etti. Olar ortasha dárejede jaraqat alǵan. Qajetti sharalardyń bári istelip jatyr.

Aýrýhanaǵa jatqyzýdyń qajeti joq, biraq barlyǵy jaqsy ekenine senimdi bolý úshin 3 turǵyn birneshe kún statsıonarlyq em alsa, taǵy úsh adam ambýlatorııalyq baqylaýda bolady.

Zardap shekken bir adam aýyr halde Qostanaı qalalyq aýrýhanasyna jetkizildi. 40 jastaǵy er adam mı jaraqatyn alǵan, tekserý amaldary júrip jatyr.

Buǵan deıin Qostanaıda 7 adam qıraǵan úıdiń astynda qalyp qoıǵany habarlanǵan edi.

Keıin úsh adam úıindi astynan shyǵaryldy.