Qostanaıda Qazaqstan men Reseı arasynda óńiraralyq yntymaqtastyq forýmy bastaldy

<p>Qostanaıdaǵy Oqýshylar saraıynda &laquo;Aýyl sharýashylyǵy &ndash; qýatty ekonomıkanyń negizi&raquo; atty óńiraralyq forým ashyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Birqatar taqyryp boıynsha paneldik sessııalar jumysyn bastady. Qazaqstan men Reseı spıkerleri qazirgi jaǵdaıda azyq-túlik qaýipsizdigin qamtamasyz etý, AÓK salasyndaǵy tsıfrlyq tehnologııalar men aýyl sharýashylyǵyna jastardy tartý syndy taqyryptardy talqylap jatyr. Paneldik sessııalar aıaqtalǵannan keıin Qazaqstan men Reseıdiń memleket basshylary beınebaılanys rejıminde eki eldiń XIX Óńiraralyq yntymaqtastyq forýmyna qatysady. 

Foto: Darıa Averchenko / Kazinform

Búgin Qazaqstanǵa resmı saparmen Reseı prezıdenti Vladımır Pýtın kelgenin aıta keteıik. Sapar barysynda eki el basshylary kelissóz júrgizip, Qazaqstan men Reseı arasyndaǵy strategııalyq seriktestiktiń ózekti máselelerin talqylaıdy dep josparlanyp otyr.