Qostanaıda karantın talaptary kúsheıedi
Qostanaı oblysynyń Bas memlekettik sanıtarııalyq dárigeriniń 28 shildedegi qaýlysyna sáıkes 1 tamyzdan bastap Qostanaıda Ashyq jobasyna qatysatyn nysandardy qospaǵanda oıyn-saýyq mekemeleri (kórmeler, karaoke, bılıard, qorqor, kompıýter, túngi jáne oıyn klýbtary, batýttar, balalardyń úı jaılardaǵy oıyn alańdary, attraktsıondar jáne basqalar) banket zaldary men býkmeker keńeseleriniń qyzmeti toqtatylady.
Ashyq jobasyna qatysatyn nysandar tolymdylyǵy 30%-dan aspaıtyn jaǵdaıda jumys rejimi 12:00-den 18:00-ge deıin qyzmetin jalǵastyra alady. Al banket zaldary saǵat 20:00-ge deıin jumys isteıdi, onda tek eske alý men túski as berilýi tıis. Demalys kúnderi joǵaryda atalǵan nysandar jumysyn toqtatady.
Sondaı-aq, kınoteatr, teatr, mádenıet úıleri, kontsert zaldary men fılarmonııanyń qyzmeti Ashyq jobasy arqyly syıymdylyǵy 30%-dan aspaýy tıis jáne kórermender 2 oryn saıyn otyrǵyzylýy kerek.
Qoǵamdyq tamaqtaný oryndarynda adamnyń sany 30-dan aspaýy kerek, jalpy tolymdylyq 50%. Olardyń jumys ýaqyty saǵat 9:00-den keshki 20:00-ge deıin, demalys kúnderi Ashyq jobasyna qatyspaıtyn qoǵamdyq tamaqtaný oryndarynyń jumysyna ruqsat berilmeıdi.
Odan bólek, azyq-túlik emes taýarlardy, saýda keshenderin, saýda úılerin, saýda jelilerin, 18:00-ge deıingi azyk-túlik emes dúkenderdi ótkizý bóliginde saýda-oıyn-saýyq ortalyqtarynyń qyzmetine 30%-dan aspaıtyn tolyqtyrýmen ruqsat beriledi.
Aýdany 2000 sharshy metrden asatyn obektilerdiń, onyń ishinde demalys jáne mereke kúnderi azyk-túlik emes taýarlardy ótkizetin saýda-oıyn-saýyq ortalyqtarynyń jumysyna tyıym salynady. Oıyn-saýyq nysandarynyń da jumys isteýine ruqsat etilmeıdi.
Jabyq sport obektileriniń (sport keshenderi, sport mektepteri, sport klýbtary, jattyǵý zaldary, ıoga ortalyqtary, sporttyq-saýyqtyrý ortalyqtary jáne basqalardy qosa alǵanda, fıtnes-ortalyqtar) saǵat 20:00-ge deıin isteıdi, toltyrylýy 50%-dan aspaýy tıis.
Qaýlynyń tolyq nusqasymen myna siltemede tanysýǵa bolady.