Qostanaıda ıisshil ıttiń kómegimen Reseıge esirtki alyp ótpek bolǵan adam ustaldy

QOSTANAI. QazAqparat – Qostanaı oblysyndaǵy «Qaıraq» shekara beketinde «Zıta» atty ıisshil ıt Reseıge esirtki alyp ótpek bolǵan er adamdy ustady, dep habarlaıdy QazAqparat QR UQK baspasóz qyzmetine silteme jasap.

«QR UQK Shekara qyzmetiniń Qostanaı oblysyndaǵy departamentine qarasty «Qaıraq» (avtokóliktik) shekaralyq baqylaý bóliminde esirtki zatyn ustaý deregi tirkeldi. Reseı Federatsııasyna jolǵa shyqqan QR azamatynyń qol júgin tekserý barysynda «Zıta» qyzmettik ıti jolaýshynyń qaltasynda esirtki bar ekenin anyqtady. Tekserý kezinde Qazaqstan Respýblıkasy azamatynyń qaltasynan ıisi bar, jasyl tústi 5 gramm gashısh tabyldy», delingen komıtet aqparatynda.

Shekarashylar ustalǵan azamatty quzyrly organdarǵa tapsyrdy. Qazir kúdiktige qatysty tergeý amaldary júrip jatyr.