Qostanaıda gashıshtiń iri partııasy tárkilendi

QOSTANAI. QazAqparat - Qostanaı oblysynda gashıshtiń iri partııasy tárkilendi, dep habarlaıdy QazAqparat Polisia.kz.

4 qazanda «Qarasora-2022» jedel-profılaktıkalyq sharasyn ótkizý barysynda Tobyl qalasynda Esirtki qylmysy basqarmasynyń qyzmetkerleri 37 jastaǵy azamatty ustady.

Tintý barysynda onyń kúrteshesiniń tós qaltasynan jalpy salmaǵy 17,5 gr jasyl tústi untaq zaty bar úsh polıetılen baılamy tabylyp, tárkilendi. Turǵylyqty jerin tintý kezinde garajdan soǵan uqsas, salmaǵy 189,2 gr untaq tabyldy.

Saraptama qorytyndysyna sáıkes, untaq jalpy salmaǵy 206,7 gr gashısh bolyp shyqty. Osy fakti boıynsha QR QK 296-baby 4-bóligi (Asa iri mólsherde saqtaý) boıynsha sotqa deıingi tergeý bastaldy. Kúdiktige qatysty bultartpaý sharasy tańdaldy.

Bıyl zańsyz aınalymnan 176 keli 870 gr esirtki tárkilendi. Onyń ishinde 555 gr - geroın, 18 keli 486 gr – gashısh, 851 gr - sıntetıkalyq preparattar.