Qostanaıda eki sibir eligin zańsyz atyp alǵan turǵyn ustaldy

QOSTANAI. QazAqparat – «Brakoner» jedel aldyn alý sharasy barysynda zańsyz sibir eligin atyp alǵan Qostanaı oblysynyń turǵyny ustaldy. Bul týraly óńirlik polıtsııa departamenti tabıǵatty qorǵaý polıtsııasy bóliminiń bastyǵy Talǵat Ahmetov málimdedi, dep habarlaıdy QazAqparat tilshisi.

«Brakoner» jedel aldyn alý sharasy aıasynda 29 qazan kúni Meńdiqara aýdanynyń polıtsııa qyzmertkerleri zańsyz ań aýlaý faktisin anyqtady. Polıtseıler júrgizgen tekserý barysynda Tatıanov aýylynyń 59 jastaǵy turǵynynyń úıinen atyp alynǵan 2 sibir eligi tabyldy.

Turǵynda atalǵan ańdy aýlaýǵa arnalǵan ruqsat qaǵazy bolmady. Sonymen qatar, onyń úıinen zańsyz saqtalǵan qarý anyqtaldy. Bul jaǵdaı boıynsha QR Qylmystyq kodeksiniń 337-baby (Zańsyz ań aýlaý) boıynsha is qozǵaldy. Qazirgi tańda sotqa deıingi tergeý jumystary júrgizilip jatyr», - dep málim etti Talǵat Ahmetov.

«Brakoner» jedel aldyn alý sharasy atalǵan óńirde 20 qazanda bastalǵan bolatyn.