Qostanaıda eki mektepke Abaı men Ybyraı Altynsarınniń esimi berildi

QOSTANAI. QazAqparat – Qostanaı oblystyq máslıhatynyń kezekten tys sessııasynda onomastıka máseleleri qaraldy, dep habarlaıdy QazAqparat oblys ákiminiń baspasóz qyzmetine silteme jasap.

Máslıhattyń kezekten tys sessııasynda oblystyq tilderdi damytý basqarmasynyń basshysy Gúljan Mendekınova onomastıka máseleleri boıynsha baıandama jasady.

Onyń aıtýynsha, QR Parlamenti Májilisiniń bir top depýtaty jáne oblystyń zııaly qaýym ókilderi Qostanaı qalasyndaǵy Vasılıı Chekmarev atyndaǵy kóshege kórnekti qoǵam qaıratkeri Oral Muhamedjanovtyń esimin berý jóninde Qostanaı qalasy ákimdigine usynym hat joldaǵan.

«Bul másele 14 qarashada ótken Qostanaı qalasy máslıhatynyń turaqty depýtattary komıssııasynyń birlesken otyrysynda qaraldy. Kósheni qaıta ataý týraly qala ákimdiginiń usynymy QR Úkimeti janyndaǵy respýblıkalyq onomastıkalyq komıssııanyń otyrysynda qaralyp, tolyqtaı qoldaý tapty. Oblys ákimdiginiń birlesken qaýlysymen oblystyq máslıhattyń sheshimi jobasyna múddeli organdardyń jáne Ádilet departamenti kelisimderin alý boıynsha barlyq protsedýralar júzege asyryldy», – dedi oblystyq Gúljan Mendekınova.

Sonymen qatar basqarma basshysy Fedorov aýdanyndaǵy Dımıtrov atyndaǵy №1 orta mektepke Abaı Qunanbaevtyń atyn, №2 orta mektepke Ybyraı Altynsarınniń esimin berý usynystaryn jarııa etti. Máslıhat depýttattary atalǵan usynystardy biraýyzdan qoldady.