Qostanaıda eki gastroler transformatordan 100 mln teńgeniń zatyn urlaǵan

<p>Qostanaıda transformator qosalqy stansalarynan quny 100 mln teńgege jýyq urlyq áshkere boldy, dep habarlaıdy <a href="https://polisia.kz/qostanajda-transformatorlyq-qosalqy-stantsiyalardan-quny-100-mln-tenggege-zhuyq-bolatyn-urlyq-zhajty-anyqtaldy/" target="_blank" rel="noopener">Polisia.kz</a>.</p>

Aqmola oblysynyń eki turǵyny transformator qosalqy stansalarynan jabdyqtardy kezekti márte urlaý barysynda ustaldy.

Bul olardyń altynshy urlyǵy bolar edi.

Eki apta boıy «gastrolerler» Qostanaıdyń qosalqy stansalarynan qymbat jabdyqtardy urlap júrgen.

Mysaly sońǵy ret olar qosalqy stansadan 4 blok-modýldik relelik qorǵanysty urlaýǵa tyrysqan. 

Osyndaı bir qorǵanystyń quny — 2,5 mln teńge.

— «ıÝbıleınyı» shaǵynaýdanyndaǵy transformator janynan ótip bara jatyp arnaıy kıim kıgen eki jigitti stansaǵa kirgenin baıqadym. Teksereıin dep sheshtim, óıtkeni buryn urlyq týraly aryz kelip túsken bolǵan. Qosalqy stantsııaǵa jaqyndaǵan kezde qulyptyń buzylǵanyn kórip, birden kómek shaqyrdym. Eki jigit shyǵýǵa daıyndalyp jatqanda biz olardy áriptesterimizben birge qorshap aldyq. Bizdi kórgende olar jasyrynýǵa tyrysty. Biraq biz olardy ustadyq, — dedi jedel ýákil Baýyrjan Óteýtileý.

Atalǵan faktiler boıynsha QR QK 188-babymen qylmystyq ister qozǵaldy. Qajetti tergeý júrip jatyr.

Aqmola oblysynyń Aqkól aýylynyń 20 jastaǵy eki turǵyny is boıynsha kúdikti dep tanylyp, ýaqytsha ustaý ızolıatoryna qamaldy.

Kúdiktiler óz kinásin moıyndady. Urlanǵan múlik ishinara tárkilendi.

Barlyq derek boıynsha jalpy shyǵyn 100 mln teńgeden asty.