Qostanaıda dinı baǵyttaǵy murajaı-kórme ashylmaq
Qazaqstan musylmandary dinı basqarmasynyń tóraǵasy Serikbaı qajy Oraz Astanadaǵy múftııat ǵımaratynda Qostanaı oblysynyń ákimi Arhımed Muhambetovpen kezdesti. Resmı kezdesýde qoǵamda din men dástúr sabaqtastyǵyn dáripteý, saýapty hám salaýatty sharalardy nasıhattaý, jastardy destrýktıvti aǵym ıdeologııasynan saqtandyrý, tarıhı tulǵalar týraly ıgi jobalardy birlese júzege asyrý, qaıyrymdylyq baǵyttaǵy jumystardy kóbirek uıymdastyrý sııaqty máseleler sóz boldy.
Arhımed Muhambetov 2011-2013 jyldary QMDB-nyń Qostanaı oblysy boıynsha ókil ımamy qyzmetin atqarǵan Serikbaı qajy Satybaldyulynyń júzege asyrǵan izgi jobalary men ıgi bastamalary týraly oń pikirin bildirdi.
Kezdesý sońynda Qostanaı qalasynda Islam baǵytynda murajaı-kórme ashý týraly ýaǵdalastyq jasaldy.