Qostanaıda dala órtin sóndirý bir táýlikke sozyldy

QOSTANAI. QazAqparat – Qostanaı oblysynyń Amangeldi aýdanynda dala órtendi, dep habarlaıdy QazAqparat tilshisi óńirdiń TJD baspasóz qyzmetine silteme jasap.

«1 tamyz kúni saǵat 14:45-te 26-shy Órt sóndirý bólimine Amangeldi aýdany Úrpek aýyldyq okrýgindegi Jarypshyqqan jerinde dalanyń janyp jatqany týraly habar kelip tústi.

TJD qyzmetkerleri 80 shaqyrym joldy júrdi. Onda bir tehnıka jáne jeke quramnyń alty adamy bardy. Olarǵa kómekke jergilikti atqarýshy organdar keldi. Quramda 14 qyzmetker, órt sóndirý qurylǵysy bar eki traktor jáne eki jeńil avtokólik boldy. Órt 35 gektardy aýmaqty sharpydy», - dep málimdedi oblystyq TJD.

Órttiń sebebi ázirge belgisiz. Qutqarýshylardyń aıtýynsha, sol kúni ystyq 30 gradýstan joǵary bolǵan, bul órttiń tez taralýyna áser etken.

«Qýanyshtysy, órt sóndirýshiler órttiń ári qaraı taralýyn toqtatty. Bir kún boıy qyzmetkerler aıanbastan órtpen kúresti. Ol tek tańǵy 04:40-ta aýyzdyqtaldy. Jalyn jaqyn jerdegi aýylǵa jetkizilmedi», - dep málim etti vedomstvodan.

Avtory Janna Musabaeva