Qostanaıda boranda iz-túzsiz ketken áje men balanyń denesi tabyldy

<p>Keshe Qostanaı oblysynda joǵalyp ketken ájesi men nemeresi aıazda úsip qalǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Bul jaıynda Qostanaı oblysynyń polıtsııa departamenti málimet taratty.

«Stepnoı aýylynyń shetinen joǵalǵan eki kisiniń denesi tabyldy. Oqıǵa ornynda jedel tergeý toby jumys istep jatyr. Búkil qajetti tergeý áreketteri júrgiziledi» dep habarlady polıtsııadan.

Eske sala keteıik, keshe, 26 jeltoqsan tańǵy saǵat 7.00 shamasynda Stepnoı eldimekeninde 58 jastaǵy áıel men 11 jasar qyz jolaı ótip bara jatqan kólikti toqtatyp minemiz dep úıden shyǵyp ketken edi. Olar Tobyl qalasyna barmaq bolǵan.

Qart áıel men balany izdeýge jergilikti qutqarýshylar jumyldyryldy. Joǵalǵandar jaıynda áleýmettik jelide habarlandy. 

Іzdeý jumysyn qolaısyz aýa raıy da qıyndatty — keshe kúni boıy Qostanaı oblysynda qarly boran basylmaǵan edi.