Qostanaıda birneshe sheneýnik 37 mln teńgeni jymqyrdy degen kúdikke ilindi
13:03, 09 Sáýir 2020
NUR-SULTAN. QazAqparat - Qostanaı oblystyq aýyl sharýashylyǵy basqarmasynyń laýazymdy tulǵalary 37 mln teńge bıýdjet qarajatyn urlaý kúdigine ilikti. Bul týraly QR Sybaılas jemqorlyqqa qarsy is-qımyl agenttiginiń apparat basshysy Qýanysh Japaqov onlaın-brıfıng barysynda aıtty, dep habarlaıdy QazAqparat tilshisi.
«Agenttiktiń Qostanaı oblystyq departamenti oblystyq aýyl sharýashylyǵy jáne jer qatynastary basqarmasynyń laýazymdy tulǵalaryna, sondaı-aq, Jitiqara jáne Jangeldın aýdandary ákimdikteriniń aýyl sharýashylyǵy bólimderiniń bas mamandaryna qatysty sotqa deıingi tergeýdi bastady», - dedi ol.
Apparat basshysynyń dereginshe, olar jaıylym jáne mal sharýashylyǵyn sýmen qamtamasyz etý boıynsha sharýa qojalyqtarynyń is júzinde oryndamaǵan jumystaryn rastaý arqyly 37 mıllıon teńgeden astam memlekettik sýbsıdııany alaıaqtyq jolmen urlaý kúdigine ilingen.