Qostanaıda bir kúnde eki sábı terezeden qulap ketti

QOSTANAI. QazAqparat – Qostanaı qalasynda bir kúnde eki sábı ashyq turǵan terezeden qulap ketti, dep habarlaıdy QazAqparat menshikti tilshisi.

30 maýsym kúni saǵat 12:30-da bes qabatty úıdiń úshinshi qabatynan bir jasar sábı qulady. Oqıǵa kezinde ol ata-ananyń qaraýynsyz qalǵan.

«Bala aýyr halde aýrýhanaǵa jetkizildi», - dedi Qostanaı oblystyq Tótenshe jaǵdaılar departamentinen.

Sol kúni saǵat 20:20-da qalanyń Ýralskaıa kóshesindegi bes qabatty úıdiń ekinshi qabatynan eki jasar sábı qulap tústi. Ol bas súıek-mı jaraqatyn alǵan. Qazirgi kezde balalar travmatologııasynda jatyr. Dárigerler onyń jaǵdaıyn ortasha aýyr dep baǵalap otyr.

TJD ádette, balalar tereze aldyna ártúrli jıhazdardy qoldana otyryp óz betimen shyǵyp alatynyn, shybyn-shirkeıge qarsy torǵa súıenip qulap ketetinin eskertti.