Qostanaıda bazardan náresteniń máıiti tabyldy

NUR-SULTAN. QazAqparat – Qostanaı qalasynda «Búrkit» bazary aýmaǵynan paketke salynǵan óli sábıdiń denesi tabyldy, dep habarlaıdy QazAqparat tilshisi Qostanaı oblystyq polıtsııa departamentiniń baspasóz qyzmetine silteme jasap.

«Keshe saǵat 17:00 shamasynda Gogol jáne Shaıahmetov kósheleriniń qıylysynda, «Búrkit» bazarynyń aýmaǵynda 37 jastaǵy er adam paket taýyp aldy. Onda náresteniń denesi bolǵan. Oqıǵa ornyna jetken tergeý-jedel toby sábıdiń qyz bala ekenin anyqtady», - delingen habarlamada.

Jergilikti polıtsııa departamentiniń málimetinshe, qazir atalǵan fakti boıynsha QR QK-niń 100-babyna (Jańa týǵan balany anasynyń óltirýi) sáıkes sotqa deıingi is qozǵalyp jatyr.

«Polıtsııa halyqtan osy fakt boıynsha naqty aqparat bolsa, habarlaýyn suraıdy. Qazirgi ýaqytta tergeý amaldary júrip jatyr, saraptamalar taǵaıyndaldy», - dep habarlady vedomstvodan.