08:19, 12 Qazan 2022

Qostanaıda «Batys» qosalqy elektr stansasy salynyp jatyr

QOSTANAI. QazAqparat – Jańa nysan qaladaǵy iri qosalqy stansalarǵa túsetin salmaqty jeńildetip, rezerv jasaýǵa múmkindik bermek. Bul týraly qurylys basynda bolǵan oblys ákimi Arhımed Muhambetov aıtty, dep habarlaıdy QazAqparat tilshisi.

«Nysan qurylysy qalany elektr qýatymen jabdyqtaýda senimdilikti arttyryp, iri qosalqy stansalarǵa túsetin salmaqty jeńildetedi jáne rezerv jasalady», - dep jazdy Arhımed Muhambetov Instagram jelisinde.

Qurylys barysymen tanysqan aımaq basshy

sy Qostanaı qalasynyń ındýstrııalyq aımaǵynda kóshpeli keńes ótkizdi.

«Energııa júıesiniń senimdiligin jáne qalany elektrmen jabdyqtaýdyń artyp kele jatqan júktemesin qamtamasyz etý úshin «Batys» 220/110/10 kV qosalqy stansasynyń qurylysy» bastaldy. Joba boıynsha árqaısysynyń qýaty 250 MVA (MegaVolt Amper) bolatyn, 220/110/10 kV qýatty qos avtotransformatory bar 220/110/10 kV transformatorlyq qosalqy stansasynyń qurylysy qarastyrylǵan», - dep tolyqtyrady oblys ákimi.

Aıtýynsha, qurylys jumystary merzimine saı júrgizilip jatyr.

Energetıka Qostanaı Qostanaı oblysy Qurylys Ákim

Erkejan Smaǵulova

2008 jyly Sh. Qudaıberdiuly atyndaǵy SMÝ-dyń jýrnalıstıka fakýltetin bitirgen. Eńbek jolyn oblystyq «Semeı tańy» gazetinen bastaǵan. 2018 jyldan bastap Kazinform halyqaralyq aqparat agenttiginde aýdarmashy.